బెజవాడ టీడీపీలో సీట్ల పంచాయితీ?

విజయవాడ, అక్టోబర్‌ 18: విజయవాడ నగరపాలక సంస్థ ఎన్నికల్లో సీట్ల కేటాయింపు, అభ్యర్థుల ఎంపిక అంశాలపై ఎంపీ కేశినేని చిన్ని, సెంట్రల్‌ ఎమ్మెల్యే బొండా ఉమామహేశ్వరరావు మధ్య భేదాభిప్రాయాలు తలెత్తినట్లు ఓ వార్తా కథనం పేర్కొంది. శనివారం మధ్యాహ్నం విజయవాడలో జరిగిన సమావేశంలో ఈ పరిణామం చోటుచేసుకున్నట్లు అందులో తెలిపింది. తన నియోజకవర్గంలో స్థానిక పరిస్థితులు, అభ్యర్థుల బలాబలాలపై తనకు అవగాహన ఉందని, అభ్యర్థుల ఎంపికలో తన సూచనలకు ప్రాధాన్యం ఇవ్వాలని ఎమ్మెల్యే పేర్కొన్నట్లు కథనం వెల్లడించింది. ఈ సందర్భంగా వాగ్వాదం జరిగి, అనంతరం ఇద్దరూ సమావేశం నుంచి వెళ్లిపోయినట్లు పేర్కొంది.