దసరా నాటికి కొత్త పింఛన్లు

హైదరాబాద్‌, సెప్టెంబర్‌ 23: చేయూత పథకం కింద కొత్త పింఛన్ల కోసం వచ్చిన దరఖాస్తుల పరిశీలన ప్రక్రియను వేగవంతం చేయాలని తెలంగాణ మంత్రి సీతక్క అధికారులను ఆదేశించారు. దసరాకు ముందే అర్హులైన లబ్ధిదారుల ఎంపికను పూర్తి చేయాలని స్పష్టం చేశారు. క్షేత్రస్థాయి పరిశీలనకు అవసరమైతే అదనపు సిబ్బందిని వినియోగించుకోవాలని సూచించారు. దసరా నాటికి కొత్త పింఛన్లు పంపిణీ చేసేలా ఏర్పాట్లు చేయాలన్నారు. అర్హత కలిగిన ప్రతి ఒక్కరికీ పింఛన్‌ అందేలా అధికారులు చర్యలు తీసుకోవాలని సీతక్క ఆదేశించారు.