బెంజ్ సర్కిల్ ట్రాఫిక్‌కు చెక్.. ప్రత్యామ్నాయ మార్గంలో ప్రయాణించండి

విజయవాడ: బెంజ్ సర్కిల్ ప్రధాన జంక్షన్ వద్ద ట్రాఫిక్ రద్దీని తగ్గించి, వాహనాల రాకపోకలను మరింత సులభతరం చేయడానికి ప్రత్యామ్నాయ మార్గాన్ని వినియోగించాలని 5వ ట్రాఫిక్ పోలీస్ స్టేషన్ ఇన్‌స్పెక్టర్ డి.వి. రమణ వాహనదారులకు విజ్ఞప్తి చేశారు. పోరంకి, తాడిగడప, పెనమలూరు, కానూరు, ఆటోనగర్, ఎన్టీఆర్ సర్కిల్ ప్రాంతాల నుంచి ఎంజీ రోడ్డుకు వెళ్లే బైక్‌లు, ఆటోలు, కార్ల వాహనదారులు చంద్రబాబు నాయుడు కాలనీ–నారాయణ కాలేజ్–బెంజ్ సర్కిల్ సర్వీస్ రోడ్–ఫకీర్‌గూడెం అండర్‌పాస్–జ్యోతి కన్వెన్షన్ సెంటర్ మీదుగా ఎంజీ రోడ్డుకు చేరుకోవాలని సూచించారు. ఈ మార్గాన్ని వినియోగించడం వల్ల బెంజ్ సర్కిల్ జంక్షన్ వద్ద ట్రాఫిక్ అంతరాయం తగ్గి, ప్రయాణికులు తక్కువ సమయంలో సురక్షితంగా గమ్యస్థానానికి చేరుకోవచ్చని తెలిపారు. నగర ప్రజలు ట్రాఫిక్ పోలీసులకు సహకరించాలని ఆయన కోరారు.