దుర్గమ్మ భక్తులకు వైద్య భరోసా!

విజయవాడ, అక్టోబర్ 12: ఇంద్రకీలాద్రిపై దసరా శరన్నవరాత్రి ఉత్సవాల సందర్భంగా అమ్మవారి దర్శనానికి తరలివస్తున్న భక్తులకు వైద్య ఆరోగ్య శాఖ ప్రత్యేక సేవలు అందిస్తోంది. రాష్ట్ర నలుమూలల నుంచి వస్తున్న భక్తుల ఆరోగ్యాన్ని దృష్టిలో ఉంచుకుని వైద్య బృందాలను అందుబాటులో ఉంచింది. ముఖ్యంగా వృద్ధులు, మహిళలు, దీర్ఘకాలిక వ్యాధులతో బాధపడుతున్న భక్తులకు అవసరమైన వైద్య పరీక్షలు నిర్వహిస్తున్నారు. ప్రత్యేక వైద్య శిబిరాల్లో రక్తపోటు (బీపీ), మధుమేహం (షుగర్) పరీక్షలు నిర్వహించడంతో పాటు అవసరమైన మందులను ఉచితంగా అందజేస్తున్నారు. భక్తులకు ఏవైనా ఆరోగ్య సమస్యలు తలెత్తినప్పుడు వెంటనే వైద్య సహాయం అందించేందుకు సిబ్బంది సిద్ధంగా ఉన్నారు. దసరా ఉత్సవాలు ముగిసే వరకు వైద్య సేవలను కొనసాగించేలా అధికారులు ఏర్పాట్లు చేశారు.