జోజినగర్‌లో ఇంటింటికీ పింఛన్ల పంపిణీ చేసిన ఎమ్మెల్సీ వర్ల రామయ్య

విజయవాడ, అక్టోబరు 1: పేదలకు ప్రభుత్వం అందిస్తున్న సామాజిక భద్రత పింఛన్లను ఎమ్మెల్సీ వర్ల రామయ్య గురువారం వేకువజామున పంపిణీ చేశారు. విజయవాడ పశ్చిమ నియోజకవర్గంలోని జోజినగర్‌లో లబ్ధిదారుల ఇళ్లకు స్వయంగా వెళ్లి పింఛన్‌ నగదును అందజేశారు. ఈ సందర్భంగా వర్ల రామయ్య మాట్లాడుతూ పేదల కళ్లలో ఆనందం, వారి కుటుంబాల్లో సంతోషం చూడాలన్నదే ముఖ్యమంత్రి చంద్రబాబు నాయుడు లక్ష్యమన్నారు. వృద్ధులు, వితంతువులు, దివ్యాంగులు ఇబ్బందులు పడకుండా వారి ఇంటి వద్దకే పింఛన్‌ అందించేలా ప్రభుత్వం చర్యలు చేపట్టిందని తెలిపారు. పింఛన్‌ అందుకున్న లబ్ధిదారులు సంతోషం వ్యక్తం చేశారు.