అరండల్‌పేటలో ఘాతుకం.. కత్తివేటుకు సునీత బలి

విజయవాడ, అక్టోబరు 7: విజయవాడలోని అరండల్‌పేటలో సునీత అనే మహిళ దారుణ హత్యకు గురైంది. అందిన వివరాల ప్రకారం.. నాగరాజు అనే వ్యక్తి ఆమెను కత్తితో పొడిచి హత్య చేసినట్లు పోలీసులు పేర్కొన్నారు. ఇద్దరి మధ్య జరిగిన పెనుగులాటలో నాగరాజుకు కూడా గాయాలయ్యాయి. హత్య అనంతరం నాగరాజు ఇంటి పక్కనే ఉన్న కాలువలోకి దూకి ఆత్మహత్యకు ప్రయత్నించాడు. పోలీసులు అతడిని అదుపులోకి తీసుకుని చికిత్స నిమిత్తం ఆసుపత్రికి తరలించారు. ఘటనపై కేసు నమోదు చేసి దర్యాప్తు చేస్తున్నారు. వివాహేతర సంబంధం హత్యకు కారణమై ఉండవచ్చని పోలీసులు ప్రాథమికంగా భావిస్తున్నారు. హత్యకు దారితీసిన పరిస్థితులు, పూర్తి వివరాలు దర్యాప్తులో తేలాల్సి ఉంది.