ఇందిరమ్మ ఇళ్లపై సీఎం రేవంత్ రెడ్డి దీపావళి కానుక!

హైదరాబాద్, నవంబర్ 5 : తెలంగాణ ముఖ్యమంత్రి రేవంత్ రెడ్డి దీపావళి పండుగను ఇందిరమ్మ ఇళ్ల లబ్ధిదారులతో కలిసి జరుపుకోవాలని నిర్ణయించారు. పేద కుటుంబాల ఆనందంలో భాగస్వామ్యం కావాలనే ఉద్దేశంతో స్వయంగా లబ్ధిదారుల ఇంటికి వెళ్లి పండుగ వేడుకల్లో పాల్గొననున్నట్లు సామాజిక మాధ్యమం ద్వారా వెల్లడించారు. రాష్ట్రవ్యాప్తంగా ఇందిరమ్మ ఇళ్ల నిర్మాణ పథకం కింద లబ్ధి పొందుతున్న కుటుంబాలతో ప్రజాప్రతినిధులు, నాయకులు, అధికారులు కలిసి దీపావళి వేడుకలు జరుపుకోవాలని ముఖ్యమంత్రి పిలుపునిచ్చారు. పేదల కోసం నిర్మించిన ఇందిరమ్మ ఇళ్లకు వెళ్లి వారి కుటుంబ సభ్యులతో పండుగ సంతోషాలను పంచుకోవాలని సూచించారు. ఇందిరమ్మ ఇళ్ల లబ్ధిదారుల ఆనందంలో పాలుపంచుకోవడం ద్వారా ప్రజలకు ప్రభుత్వం మరింత చేరువ కావాలన్నది ముఖ్యమంత్రి ఉద్దేశంగా తెలుస్తోంది. ముఖ్యమంత్రి స్వయంగా లబ్ధిదారుల ఇంటికి వెళ్లి పండుగ జరుపుకోనున్నట్లు ప్రకటించడం ప్రాధాన్యం సంతరించుకుంది.