ఎమ్మెల్యే సుజనా చౌదరిని కలిసిన మేయర్ వంగవీటి రాధాకృష్ణ

విజయవాడ, నవంబర్ 5: విజయవాడ నగరపాలక సంస్థ మేయర్‌గా ఘన విజయం సాధించిన వంగవీటి రాధాకృష్ణ గురువారం ఎమ్మెల్యే సుజనా చౌదరిని మర్యాదపూర్వకంగా కలిశారు. కానూరులోని ఎమ్మెల్యే సుజనా చౌదరి క్యాంపు కార్యాలయంలో ఈ భేటీ జరిగింది. ఈ సందర్భంగా ఎమ్మెల్యే సుజనా చౌదరితో పాటు రిటైర్డ్ ఐఆర్ఎస్ అధికారి జీ.వీ. కృష్ణారావు నూతన మేయర్ వంగవీటి రాధాకృష్ణను అభినందించి శుభాకాంక్షలు తెలిపారు. ప్రజలు తనపై ఉంచిన నమ్మకాన్ని వమ్ము చేయకుండా విజయవాడ నగర సమగ్రాభివృద్ధికి అంకితభావంతో కృషి చేయాలని సుజనా చౌదరి సూచించారు. ప్రజల సమస్యల పరిష్కారానికి ప్రాధాన్యం ఇస్తూ నగర అభివృద్ధిలో ముందుకు సాగాలని ఆకాంక్షించారు.