గగనతలంలో పిడుగు.. విమానానికి దెబ్బ!

దిల్లీ: పట్నా నుంచి లక్నో వెళ్తున్న ఇండిగో విమానాన్ని బుధవారం గగనతలంలో పిడుగు తాకింది. సుమారు 17 వేల అడుగుల ఎత్తులో ప్రయాణిస్తుండగా జరిగిన ఈ ఘటనలో విమానం ముందు భాగం కొంత మేర లోపలికి నొక్కుకుపోయినట్లు సమాచారం. పైలట్‌ తగిన జాగ్రత్తలు తీసుకుని విమానాన్ని లక్నో విమానాశ్రయంలో సురక్షితంగా దించారు. ఘటన సమయంలో విమానంలో 104 మంది ప్రయాణికులు, ఆరుగురు సిబ్బంది ఉన్నారు. సురక్షితంగా ల్యాండింగ్‌ కావడంతో ప్రయాణికులు ఊపిరిపీల్చుకున్నారు.