శ్రీ సిటీలో బాయిలర్‌ పేలుడు.. ఐదుగురు మృతి?

తిరుపతి, అక్టోబర్‌ 3: తిరుపతి జిల్లా సత్యవేడు మండలంలోని శ్రీ సిటీలో శనివారం ఉదయం ఘోర ప్రమాదం సంభవించింది. టిల్‌ హెల్త్‌కేర్‌ మందుల తయారీ పరిశ్రమలో బాయిలర్‌ పేలి భారీగా మంటలు చెలరేగాయి. ఈ ఘటనలో రాత్రి విధులు నిర్వహిస్తున్న ఐదుగురు కార్మికులు మృతి చెందినట్లు ప్రాథమిక సమాచారం. పేలుడు ధాటికి పరిశ్రమలోని కొంతభాగం దెబ్బతినగా, మరో 12 మంది కార్మికులు గాయపడినట్లు తెలుస్తోంది. క్షతగాత్రులను వెంటనే

సమీపంలోని ఆసుపత్రులకు తరలించి చికిత్స అందిస్తున్నారు. సమాచారం అందుకున్న అగ్నిమాపక, పోలీసు, సహాయక బృందాలు ఘటనాస్థలికి చేరుకుని మంటలను అదుపుచేయడంతోపాటు లోపల చిక్కుకున్నవారి కోసం గాలింపు చేపట్టాయి. మృతులు, క్షతగాత్రుల సంఖ్యపై అధికారిక ప్రకటన వెలువడాల్సి ఉంది. ప్రమాదానికి బాయిలర్‌లో సాంకేతిక లోపమే కారణమా? లేక భద్రతా ప్రమాణాల అమలులో నిర్లక్ష్యం జరిగిందా? అనే కోణాల్లో అధికారులు దర్యాప్తు చేపట్టారు.