దేశ అంతర్గత శత్రువులపై అప్రమత్తత అవసరం!

బస్తర్, నవంబర్ 8: దేశం ఎదుర్కొంటున్న అంతర్గత భద్రతా సవాళ్లపై ప్రధానమంత్రి నరేంద్ర మోదీ కీలక వ్యాఖ్యలు చేశారు. దేశ అంతర్గత శత్రువులతో ఎప్పుడూ అప్రమత్తంగా ఉండాలని పిలుపునిచ్చారు. దేశ ప్రజల భద్రత, శాంతిభద్రతల పరిరక్షణకు అత్యంత ప్రాధాన్యం ఇవ్వాలని పేర్కొన్నారు. ఛత్తీస్‌గఢ్‌లోని బస్తర్‌లో జరిగిన కార్యక్రమంలో ప్రధాని మోదీ మాట్లాడుతూ నక్సలిజం, మావోయిస్టు ఉగ్రవాదంపై దశాబ్దాలుగా కొనసాగుతున్న పోరాటంలో దేశం విజయాలు సాధిస్తోందన్నారు. దేశంలోని ప్రతి జిల్లా నక్సలిజం నుంచి విముక్తి పొందే దిశగా ముందుకు సాగుతోందని తెలిపారు. ఈ ఘనత లక్షలాది మంది ప్రజలు, సైనికులు, భద్రతా సిబ్బందికి దక్కుతుందని ప్రధాని పేర్కొన్నారు. దేశ సమగ్రతను కాపాడేందుకు ప్రజలంతా ఐక్యంగా ఉండాలని పిలుపునిచ్చారు.