భానునగర్‌లో టీడీపీలోకి పలువురు చేరిక

విజయవాడ, అక్టోబర్ 10: విజయవాడ సెంట్రల్ నియోజకవర్గంలోని 28వ డివిజన్ భానునగర్‌కు చెందిన పలువురు నాయకులు, కార్యకర్తలు శనివారం తెలుగుదేశం పార్టీలో చేరారు. సింగ్‌నగర్‌లోని ఎమ్మెల్యే కార్యాలయంలో మాజీ కార్పొరేటర్ కాకు మల్లికార్జున యాదవ్ ఆధ్వర్యంలో ప్రభుత్వ విప్, ఎమ్మెల్యే బొండా ఉమామహేశ్వరరావు సమక్షంలో పార్టీ కండువాలు కప్పుకున్నారు. ప్రభుత్వ అభివృద్ధి, సంక్షేమ కార్యక్రమాలకు ఆకర్షితులై పార్టీలో చేరినట్లు వారు తెలిపారు. ఈ సందర్భంగా బొండా ఉమా మాట్లాడుతూ ముఖ్యమంత్రి

చంద్రబాబు నాయకత్వంలో అభివృద్ధి, సంక్షేమానికి ప్రభుత్వం ప్రాధాన్యం ఇస్తోందన్నారు. పార్టీలో చేరిన ప్రతి ఒక్కరికీ సముచిత గుర్తింపు కల్పిస్తామని, ప్రజా సమస్యల పరిష్కారానికి సమష్టిగా కృషి చేయాలని పిలుపునిచ్చారు. పార్టీలో చేరిన వారిలో మీసాల కుమార్, లగుడు వరలక్ష్మి, ముల్లి రమణ యాదవ్, డాక్టర్ మౌళి యాదవ్,రాజకుమార్, కంది సతీష్, కె. సుభాష్, పి. వినయ్, కె. రవణమ్మ, ఎస్. పార్వతి, గుంజ లక్ష్మి, ఎం. గంగలక్ష్మి యాదవ్, కె. శ్రీకాంత్, మధుబాబు, జై జగదీష్ తదితరులు ఉన్నారు.