1వ డివిజన్‌లో టీడీపీ అభ్యర్థి సౌజన్య ప్రచారం

విజయవాడ సెంట్రల్, అక్టోబర్ 29: విజయవాడ నగరంలోని 1వ డివిజన్‌లో ఎన్డీఏ కూటమి బలపరిచిన టీడీపీ కార్పొరేటర్ అభ్యర్థి గుడిపాటి సౌజన్య గురువారం ఎన్నికల ప్రచారం నిర్వహించారు. కూటమి నాయకులు, కార్యకర్తలతో కలిసి డివిజన్‌లో పర్యటించి ప్రజలను కలిశారు. ఈ సందర్భంగా సౌజన్య మాట్లాడుతూ కూటమి ప్రభుత్వం అమలు చేస్తున్న సంక్షేమ పథకాలు, అభివృద్ధి కార్యక్రమాలను ప్రజలకు వివరించారు. సామాజిక పింఛన్లను రూ.3 వేల నుంచి రూ.4 వేలకు పెంచడం, తల్లికి వందనం, మహిళలకు ఉచిత బస్సు ప్రయాణం, దీపం పథకం కింద ఉచిత గ్యాస్ సిలిండర్లు, అన్న క్యాంటీన్ల ఏర్పాటు వంటి కార్యక్రమాలను ప్రస్తావించారు. ప్రజలకు ఇచ్చిన హామీలను అమలు చేస్తున్నామని, డివిజన్ అభివృద్ధికి కృషి చేస్తానని పేర్కొన్నారు. ఎన్నికల్లో తనకు మద్దతు తెలిపి భారీ మెజారిటీతో గెలిపించాలని కోరారు. ఈ ప్రచారంలో శ్రీకాంత్, రఘు, ప్రభాత్, ఉష, సత్య, సాయిరామ్, భార్గవ్, పూర్ణిమ తదితరులు పాల్గొన్నారు.