రూ.30 లక్షల చిట్‌ఫండ్‌ మోసంపై ఫిర్యాదు

విజయవాడ, అక్టోబర్‌ 17: చిట్‌ఫండ్‌కు సంబంధించిన రూ.30 లక్షలు చెల్లించకుండా మోసం చేశారంటూ విజయవాడ సీతారాంపురానికి చెందిన ఘటనపై మాచవరం పోలీసులకు ఫిర్యాదు అందింది. విజయ్‌కుమార్‌, చాగర్ల గాయత్రి, రాంబాబుపై బాధితుడు దోనే శ్రీనివాసరావు ఫిర్యాదు చేశారు. చిట్‌ డబ్బులు అడిగినప్పుడు దుర్భాషలాడటంతోపాటు బెదిరించారని బాధితుడు ఆరోపించారు. తప్పుడు రశీదులు సృష్టించి మోసానికి పాల్పడ్డారని ఫిర్యాదులో పేర్కొన్నారు.