ట్రేడింగ్‌ లాభాల మాయలో రూ.11 లక్షలు గల్లంతు

విజయవాడ పశ్చిమ నియోజకవర్గానికి చెందిన వ్యాపారవేత్త నాగార్జునరావు సైబర్ మోసానికి గురయ్యారు. ఫేస్‌బుక్‌లో పెట్టుబడులకు సంబంధించిన ప్రకటన చూసిన ఆయన ఓ వ్యక్తిని సంప్రదించారు. మొదట రూ.20 వేలు పెట్టుబడిగా చెల్లించగా, ట్రేడింగ్‌లో రూ.20 లక్షల లాభం వచ్చినట్లు నమ్మించారు. ఆ మొత్తాన్ని తీసుకోవాలంటే మరింత నగదు చెల్లించాలని చెప్పడంతో విడతలవారీగా మొత్తం రూ.11 లక్షలు పంపించారు. అనంతరం మోసపోయినట్లు గుర్తించిన బాధితుడు పోలీసులకు ఫిర్యాదు చేశారు. పోలీసులు కేసు నమోదు చేసి దర్యాప్తు చేపట్టారు.