విపత్తు వేళ సమష్టి కృషి అభినందనీయం: నారా లోకేష్

అమరావతి, అక్టోబర్ 29 : ఆర్నాబ్ తుఫాను బీభత్సం సృష్టించిన నేపథ్యంలో సాధారణ పరిస్థితులను పునరుద్ధరించేందుకు అధికార యంత్రాంగం, కార్మికులు, సిబ్బంది చేసిన కృషిని రాష్ట్ర విద్య, ఐటీ శాఖల మంత్రి నారా లోకేష్ అభినందించారు. తుఫాను తీరం దాటే సమయంలో పల్లెలు, పట్టణాలు, నగరాల్లో జనజీవనం అస్తవ్యస్తమైందని పేర్కొన్నారు. తుఫాను ప్రభావిత ప్రాంతాల్లో ప్రజలకు ఇబ్బందులు కలగకుండా కార్మికులు, అధికారులు, సిబ్బందితో పాటు టీడీపీ నాయకులు, కార్యకర్తలు సహాయక కార్యక్రమాల్లో పాల్గొన్నారని తెలిపారు. సాధారణ పరిస్థితులను తీసుకొచ్చేందుకు నిద్రాహారాలు మాని శ్రమించారని ప్రశంసించారు. ప్రకృతి విపత్తు సమయంలో అందరూ కలిసి పనిచేయడం సమష్టితత్వానికి, సేవాస్ఫూర్తికి నిదర్శనమని మంత్రి నారా లోకేష్ పేర్కొన్నారు.