1వ డివిజన్‌లో వైసీపీ ప్రచార జోరు

విజయవాడ, అక్టోబర్ 29: విజయవాడ సెంట్రల్ నియోజకవర్గ పరిధిలోని 1వ డివిజన్‌లో వైఎస్సార్‌సీపీ ఎన్నికల ప్రచారం గురువారం ఉత్సాహంగా సాగింది. పార్టీ కార్పొరేటర్ అభ్యర్థి పోటు రజిని నాయకులు, కార్యకర్తలతో కలిసి డివిజన్‌లోని పలు ప్రాంతాల్లో ఇంటింటి ప్రచారం నిర్వహించారు. స్థానిక ప్రజలను కలుస్తూ వారి సమస్యలను అడిగి తెలుసుకున్నారు. ఫ్యాన్ గుర్తుకు ఓటు వేసి తనను గెలిపించాలని అభ్యర్థించారు. ఈ సందర్భంగా వైఎస్సార్‌సీపీ హయాంలో అమలు చేసిన సంక్షేమ పథకాలను ప్రజలకు వివరించారు. నిత్యావసర వస్తువుల ధరలు పెరగడంతో సామాన్య ప్రజలపై ఆర్థిక భారం పడుతోందని పార్టీ నాయకులు విమర్శించారు. ప్రజా సమస్యల పరిష్కారానికి, డివిజన్ అభివృద్ధికి వైఎస్సార్‌సీపీ అభ్యర్థులను గెలిపించాలని కోరారు. కార్పొరేటర్ అభ్యర్థి పోటు రజినితో పాటు మేయర్ అభ్యర్థి రాయన భాగ్యలక్ష్మికి ఫ్యాన్ గుర్తుపై ఓటు వేసి భారీ మెజారిటీతో గెలిపించాలని విజ్ఞప్తి చేశారు. ఈ ప్రచారంలో వైఎస్సార్‌సీపీ 1వ డివిజన్ నాయకులు మహేశ్వరరెడ్డి, ప్రసాద్ రెడ్డి, సునీల్ తాళ్లూరి, భరత్‌తో పాటు పార్టీ నాయకులు, కార్యకర్తలు, అభిమానులు పాల్గొన్నారు.