విజయవాడ దసరాకు యోగి ఆదిత్యనాథ్‌కు ఆహ్వానం
విజయవాడ శరన్నవరాత్రి వేడుకలకు రావాలని విజ్ఞప్తి… విజయవాడ ఉత్సవ్‌ 2.0కు హాజరుకావాలని కోరిన మంత్రి, ఎంపీ… ఉత్తరప్రదేశ్‌ సీఎంకు ఆహ్వాన పత్రం అందజేత…
విజయవాడ, అక్టోబరు 9: విజయవాడలో ప్రతిష్ఠాత్మకంగా నిర్వహించనున్న దసరా శరన్నవరాత్రి ఉత్సవాలు, విజయవాడ ఉత్సవ్‌ 2.0 వేడుకలకు హాజరుకావాలని ఉత్తరప్రదేశ్‌ ముఖ్యమంత్రి యోగి ఆదిత్యనాథ్‌ను ఆహ్వానించారు. రాష్ట్ర మంత్రి సత్యకుమార్‌ యాదవ్‌, విజయవాడ ఎంపీ కేశినేని శివనాథ్‌ (చిన్ని) ఆయనను కలిసి ఆహ్వాన పత్రాన్ని అందజేశారు. ఇంద్రకీలాద్రిపై జరిగే దసరా ఉత్సవాల విశిష్టతతో పాటు విజయవాడ ఆధ్యాత్మిక, సాంస్కృతిక వైభవాన్ని వివరించారు. నగరంలో నిర్వహించే వేడుకలకు హాజరై విజయవాడ ప్రత్యేకతను తిలకించాలని కోరారు.
