ఇంట్లోనే కలకలం.. భార్య ఫిర్యాదుతో భర్త అదుపులోకి
వైఎస్సార్‌ కాలనీకి చెందిన వ్యక్తిపై పోలీసులకు ఫిర్యాదు మద్యం మత్తులో గొడవకు దిగినట్లు భార్య ఆరోపణ కేసు నమోదు చేసి దర్యాప్తు చేపట్టిన కొత్తపేట పోలీసులు
విజయవాడ, సెప్టెంబర్ 27 : మద్యం మత్తులో ఇంట్లో గొడవకు దిగడంతో ఓ మహిళ తన భర్తపై కొత్తపేట పోలీసులకు ఫిర్యాదు చేసిన ఘటన ఆలస్యంగా వెలుగులోకి వచ్చింది. పోలీసుల వివరాల ప్రకారం వైఎస్సార్‌ కాలనీకి చెందిన ప్రదీప్‌ రైల్వే స్టేషన్‌లో కాంట్రాక్టు ఉద్యోగిగా పనిచేస్తున్నాడు. శుక్రవారం రాత్రి కుటుంబ సభ్యులతో కలిసి ఇంట్లో నిద్రిస్తున్న సమయంలో మద్యం మత్తులో వచ్చిన ప్రదీప్‌ గొడవకు దిగినట్లు అతని భార్య పోలీసులకు ఫిర్యాదు చేసింది. తనకు, కుటుంబ సభ్యులకు ఇబ్బంది కలిగించేలా ప్రవర్తించాడని ఫిర్యాదులో పేర్కొన్నట్లు సమాచారం. బాధితురాలి ఫిర్యాదు మేరకు పోలీసులు ప్రదీప్‌ను అదుపులోకి తీసుకొని విచారించారు. ఘటనకు సంబంధించిన పూర్తి వివరాలను సేకరిస్తూ కేసు నమోదు చేసి దర్యాప్తు కొనసాగిస్తున్నారు.
