78వ డివిజన్‌లో బొండా సిద్ధార్థ ఎన్నికల ప్రచారం!

విజయవాడ నగరపాలక సంస్థ ఎన్నికల నేపథ్యంలో సెంట్రల్ నియోజకవర్గంలోని 78వ డివిజన్‌లో ఎన్డీఏ కూటమి ఎన్నికల ప్రచారం నిర్వహించింది. శుక్రవారం సాయంత్రం సింగ్‌నగర్ వడ్డెర కాలనీ ఆర్చ్ వద్ద నుంచి టీడీపీ కార్పొరేటర్ అభ్యర్థి పిరియ జగదాంబకు మద్దతుగా యువ నాయకుడు బొండా సిద్ధార్థ ప్రచారంలో పాల్గొన్నారు. స్థానిక ప్రజలను కలుసుకుని వారి సమస్యలను అడిగి తెలుసుకుంటూ కూటమి అభ్యర్థికి మద్దతు కోరారు. ఈ సందర్భంగా బొండా సిద్ధార్థ మాట్లాడుతూ ప్రజా సంక్షేమం, విజయవాడ నగరాభివృద్ధి, స్థానిక సమస్యల పరిష్కారానికి ఎన్డీఏ కూటమి ప్రాధాన్యం ఇస్తోందన్నారు. ప్రజలకు నిరంతరం అందుబాటులో ఉండి వారి సమస్యల పరిష్కారానికి కృషి చేసే నాయకత్వం అవసరమని పేర్కొన్నారు. 78వ డివిజన్‌లో మౌలిక సదుపాయాల మెరుగుదలకు కృషి చేస్తామని తెలిపారు. టీడీపీ అభ్యర్థి పిరియ జగదాంబ విజయానికి కూటమి నాయకులు, కార్యకర్తలు సమన్వయంతో పనిచేయాలని పిలుపునిచ్చారు.