యువత భవితకు భరోసాగా భారీ విద్యార్థి ర్యాలీ
సుమారు నాలుగు వేల మంది ప్రభుత్వ కళాశాల విద్యార్థులతో ప్రదర్శన మాచవరం ఎస్‌ఆర్‌ఆర్‌ అండ్‌ సీవీఆర్‌ కళాశాల నుంచి ప్రారంభం పాల్గొననున్న ప్రభుత్వ విప్‌ బొండా ఉమామహేశ్వరరావు
విజయవాడ, సెప్టెంబర్ 28: యువత భవితకు భరోసా కార్యక్రమంలో భాగంగా విజయవాడ సెంట్రల్‌ నియోజకవర్గంలో సోమవారం భారీ విద్యార్థి ర్యాలీ నిర్వహించనున్నారు. మాచవరంలోని ఎస్‌ఆర్‌ఆర్‌ అండ్‌ సీవీఆర్‌ ప్రభుత్వ ఇంటర్‌, డిగ్రీ కళాశాల నుంచి ఉదయం 10.30 గంటలకు ర్యాలీ ప్రారంభమవుతుంది. ముఖ్యమంత్రి నారా చంద్రబాబునాయుడు, విద్యాశాఖ మంత్రి నారా లోకేష్‌ సూచనల మేరకు నిర్వహిస్తున్న ఈ ర్యాలీలో సుమారు నాలుగు వేల మంది ప్రభుత్వ కళాశాల విద్యార్థులు పాల్గొననున్నారు. ప్రభుత్వ విప్‌, సెంట్రల్‌ నియోజకవర్గ ఎమ్మెల్యే బొండా ఉమామహేశ్వరరావు, యువ నాయకుడు బొండా సిద్ధార్థ పాల్గొంటారని ఎమ్మెల్యే కార్యాలయ ప్రతినిధులు తెలిపారు. కార్యక్రమాన్ని కవర్‌ చేసేందుకు మీడియా ప్రతినిధులు, సామాజిక మాధ్యమ ప్రతినిధులు హాజరుకావాలని కోరారు.
