స్వచ్ఛ ఆంధ్ర కోసం మరో అడుగు

విజయవాడ గ్రామీణ మండలం గూడవల్లిలో గురువారం నిర్వహించిన ‘స్వచ్ఛత హీ సేవ’ కార్యక్రమంలో కార్పొరేషన్‌ డైరెక్టర్లు, కార్యనిర్వాహక సంచాలకులతో కలిసి ఆయన శ్రమదానం చేశారు. ‘అందరం కలిసి ఒక రోజు–ఒక గంట’ నినాదంతో రోడ్లను శుభ్రం చేసి, కొడవళ్లతో తుప్పలను తొలగించారు. అనంతరం మొక్కలు నాటారు. వర్మీ కంపోస్టు తయారీ, వ్యర్థాల నిర్వహణపై ఏర్పాటు చేసిన గోడ చిత్రాలు, స్వచ్ఛ రథం, యంత్రాలతో చేపట్టిన పారిశుద్ధ్య పనులను పరిశీలించారు. మట్టి గ్లాసులు, చెక్క చెంచాలు, కాగితపు గ్లాసులు తదితర పర్యావరణహిత వస్తువులతో

ఏర్పాటు చేసిన ప్రదర్శనశాలను సందర్శించారు. పారిశుద్ధ్య కార్మికులను సత్కరించి పారితోషికాలు అందజేశారు. వారికి వైద్య పరీక్షలు నిర్వహించారు. వ్యర్థాల విభజనను ప్రోత్సహించిన స్వయం సహాయక సంఘాల మహిళలకు ధ్రువీకరణ పత్రాలు అందజేశారు. కళాశాల విద్యార్థులకు నాలుగు రకాల వ్యర్థాల విభజనపై అవగాహన కల్పించారు. పరిశుభ్రమైన సమాజ నిర్మాణానికి ప్రతి ఒక్కరూ తమవంతు సహకారం అందించాలని పట్టాభిరామ్‌ కోరారు. కార్యక్రమంలో స్వచ్ఛ ఆంధ్ర కార్పొరేషన్‌ డైరెక్టర్లు, జిల్లా పరిషత్‌, పంచాయతీరాజ్‌ అధికారులు పాల్గొన్నారు.