పాపికొండల విహారానికి మళ్లీ పచ్చజెండా!

రాజమహేంద్రవరం, నవంబర్ 7: ప్రకృతి అందాలకు నెలవైన పాపికొండల పర్యాటక విహారయాత్రలు నేటి నుంచి తిరిగి ప్రారంభం కానున్నాయి. అర్జున్ తుపాను నేపథ్యంలో గత నెల 26న నిలిపివేసిన బోటు ప్రయాణాలను పునరుద్ధరించేందుకు అధికారులు ఏర్పాట్లు చేశారు. అల్లూరి సీతారామరాజు జిల్లా పరిధిలోని పోలవరం ప్రాంతం గండిపోశమ్మ ఆలయం వద్ద నుంచి కొన్ని పర్యాటక బోట్లు, పోచవరం నుంచి మరికొన్ని బోట్లు అందుబాటులో ఉంటాయని అధికారులు వెల్లడించారు. వరదల కారణంగా 74 రోజులుగా నిలిచిపోయిన పాపికొండల విహారయాత్రలు తిరిగి ప్రారంభం కావడంతో పర్యాటకుల్లో ఆసక్తి నెలకొంది. గోదావరి నదీ అందాలను ఆస్వాదించేందుకు పర్యాటకులు సిద్ధమవుతున్నారు.