ఇంద్రకీలాద్రిపై భక్తజన సంద్రం

విజయవాడ, సెప్టెంబర్‌ 27: ఆదివారం సెలవు దినం కావడంతో ఇంద్రకీలాద్రిపై కొలువుదీరిన జగన్మాత శ్రీ కనకదుర్గమ్మ దర్శనానికి భక్తులు పోటెత్తారు. తెల్లవారుజాము నుంచే తెలుగు రాష్ట్రాలతోపాటు వివిధ ప్రాంతాల నుంచి భారీ సంఖ్యలో తరలిరావడంతో క్యూలైన్లు, ఆలయ ప్రాంగణాలు కిటకిటలాడాయి. భక్తుల రద్దీని దృష్టిలో ఉంచుకుని సామాన్య భక్తులకు త్వరగా అమ్మవారి దర్శనం కల్పించేందుకు ఆలయ అధికారులు ప్రత్యేక చర్యలు చేపట్టారు. ఉదయం 11 గంటల నుంచి అంతరాలయ దర్శనాలను తాత్కాలికంగా నిలిపివేసి మధ్యాహ్నం వరకు లఘు దర్శనాలను కొనసాగించారు. దేవస్థానం కార్యనిర్వహణాధికారి వి.కె. శీనా నాయక్‌ స్వయంగా క్షేత్రస్థాయిలో పర్యటించి

క్యూలైన్లు, ఆలయ పరిసరాల్లో ఏర్పాట్లను పరిశీలించారు. భక్తులకు ఎలాంటి అసౌకర్యం కలగకుండా చర్యలు తీసుకోవాలని అధికారులను ఆదేశించారు. వృద్ధులు, దివ్యాంగులు వినియోగించే లిఫ్టుల వద్ద రద్దీ పెరగడంతో తోపులాటలకు తావులేకుండా ప్రత్యేక సిబ్బందిని నియమించి రాకపోకలను క్రమబద్ధీకరించారు. ఆదివారం సందర్భంగా ఆలయంలో సంప్రదాయబద్ధంగా సూర్యోపాసన సేవ నిర్వహించారు. ఆర్జిత సేవల ప్రాంగణాల్లోనూ భక్తుల రద్దీ అధికంగా కనిపించింది. ఎండ తీవ్రతను దృష్టిలో ఉంచుకుని క్యూలైన్లలోని భక్తులకు నిరంతరం చల్లని మంచినీరు అందించారు. నూతన అన్నదాన భవనంలో వేడివేడి అన్నప్రసాదంతోపాటు దర్శనం అనంతరం ఉచిత ప్రసాదాన్ని నిరాటంకంగా పంపిణీ