కొత్త పింఛన్లకు దరఖాస్తుల ఆహ్వానం

అమరావతి, సెప్టెంబర్ 28: రాష్ట్రంలో కొత్త సామాజిక భద్రతా పింఛన్ల కోసం ప్రభుత్వం దరఖాస్తులను ఆహ్వానించనుంది. వృద్ధాప్య, వితంతు, ఒంటరి మహిళ, చేనేత, మత్స్యకారులు తదితర విభాగాలకు చెందిన సుమారు 10.30 లక్షల మంది కొత్తగా దరఖాస్తు చేసుకునే అవకాశం ఉన్నట్లు అధికారులు అంచనా వేస్తున్నారు. వచ్చే నెలాఖరులోగా దరఖాస్తులను స్వీకరించి అక్టోబర్‌లో క్షేత్రస్థాయి పరిశీలన చేపట్టనున్నారు. ఇప్పటికే నిర్వహించిన పరిశీలనలో 1.42 లక్షల మందిని అర్హులుగా గుర్తించినట్లు సమాచారం. వీరిలో సుమారు 67 వేల మందికి అత్యధికంగా దివ్యాంగుల పింఛన్లు మంజూరు చేసే అవకాశం ఉంది. ఐదు విభాగాలకు చెందిన లబ్ధిదారులకు నెలకు రూ.4,300కు పైగా పింఛన్ అందే అవకాశమున్నట్లు తెలుస్తోంది.