సేవా కార్యక్రమాలతో గాంధీ జయంతి

విజయవాడ, అక్టోబర్‌ 2: మహాత్మా గాంధీ జయంతిని పురస్కరించుకొని విజయవాడలోని ఎన్టీఆర్‌ జిల్లా జనసేన పార్టీ కార్యాలయంలో గురువారం పలు సేవా కార్యక్రమాలు నిర్వహించారు. పార్టీ జిల్లా అధ్యక్షుడు సామినేని ఉదయభాను సారథ్యంలో నిర్వహించిన రక్తదాన శిబిరంలో జనసైనికులు, యువత స్వచ్ఛందంగా పాల్గొని రక్తదానం చేశారు. ఈ సందర్భంగా ప్రతిభావంతులైన విద్యార్థులకు ఆర్థిక

సహాయంతోపాటు ఉపకార వేతనాలు అందజేశారు. ఆర్థిక ఇబ్బందులు ఎదుర్కొంటున్న నిరుపేద కుటుంబానికి నిత్యావసర వస్తువులను ఉచితంగా పంపిణీ చేశారు. ప్రజల కష్టాల్లో తోడుగా నిలవడమే జనసేన పార్టీ లక్ష్యమని విజయవాడ జనసేన సీనియర్‌ నాయకుడు బాడిత శంకర్‌ పేర్కొన్నారు. కార్యక్రమంలో పాల్గొన్న పార్టీ రాష్ట్ర నాయకులు, జనసైనికులు, వీర మహిళలు, కార్యకర్తలకు ఆయన కృతజ్ఞతలు తెలిపారు.