బంగాళాఖాతంలో బలపడుతున్న వాయుగుండం

విజయవాడ , సెప్టెంబర్ 22 : బంగాళాఖాతంలో ఏర్పడిన వాయుగుండం మరింత బలపడుతుండటంతో ఆంధ్రప్రదేశ్, ఒడిశా తీర ప్రాంతాలకు భారీ వర్షాల ముప్పు పొంచి ఉంది. పశ్చిమ మధ్య, వాయవ్య బంగాళాఖాతంలో కొనసాగుతున్న వాయుగుండం రాబోయే 24 గంటల్లో తీవ్ర వాయుగుండంగా మారే అవకాశం ఉందని భారత వాతావరణ శాఖ వెల్లడించింది. ఇది పశ్చిమ వాయవ్య దిశగా కదులుతూ 23వ తేదీ రాత్రి నుంచి 24వ తేదీ తెల్లవారుజామున విశాఖపట్నం–గోపాలపూర్ మధ్య ఉత్తరాంధ్ర–దక్షిణ ఒడిశా తీరాన్ని దాటే అవకాశం ఉందని తెలిపింది. Mausam దీని ప్రభావంతో కోస్తాంధ్రలో మంగళవారం భారీ నుంచి అతి భారీ వర్షాలు, 23, 24 తేదీల్లో కొన్ని ప్రాంతాల్లో అత్యంత భారీ వర్షాలు కురిసే అవకాశం ఉందని ఐఎండీ హెచ్చరించింది. బలమైన ఉపరితల గాలులు కూడా వీచే అవకాశం ఉంది. ఒడిశాలోనూ 23, 24 తేదీల్లో అత్యంత భారీ వర్షాలకు హెచ్చరికలు జారీ అయ్యాయి. Mausam ఉత్తరాంధ్ర తీరంలో సముద్రం అల్లకల్లోలంగా మారే అవకాశం ఉండటంతో కళింగపట్నం, భీమునిపట్నం, విశాఖపట్నం, గంగవరం, కాకినాడ పోర్టుల్లో స్థానిక హెచ్చరిక సిగ్నల్–3ను ఎగురవేశారు. మచిలీపట్నం, నిజాంపట్నం, కృష్ణపట్నం పోర్టుల్లో దూర హెచ్చరిక సిగ్నల్–1 కొనసాగుతోంది