జడ్పీటీసీ బరిలో కోటే సోమేశ్వరరావు!

ఏలూరు, అక్టోబర్ 23: ఏలూరు జిల్లా పెదపాడు మండల జడ్పీటీసీ ఎన్నికల బరిలో రిపబ్లికన్ పార్టీ ఆఫ్ ఇండియా (అంబేద్కర్) అభ్యర్థిగా కోటే సోమేశ్వరరావు పోటీ చేయనున్నారు. ఈ మేరకు పార్టీ రాష్ట్ర అధ్యక్షుడు డాక్టర్ పిట్టా వరప్రసాద్, రాష్ట్ర ప్రధాన కార్యదర్శి మత్తే బాబి చేతుల మీదుగా ఆయనకు పార్టీ బీఫారం అందజేశారు. స్థానిక సంస్థల ఎన్నికల నేపథ్యంలో పెదపాడు జడ్పీటీసీ స్థానానికి కోటే సోమేశ్వరరావును పార్టీ అభ్యర్థిగా ఎంపిక చేసినట్లు నాయకులు తెలిపారు. ఈ సందర్భంగా ఎన్నికల ప్రక్రియ, పార్టీ అభ్యర్థిత్వానికి సంబంధించిన అంశాలపై నాయకులు చర్చించారు. ఈ కార్యక్రమంలో పార్టీ నాయకులు సి.హెచ్. రత్నరాజు, దోమతోటి తామస్ తదితరులు పాల్గొన్నారు.