మత్తు నిర్మూలనకు కాగడాల కదం!

ఈ సందర్భంగా విద్యార్థినీ విద్యార్థులు కాగడాలు చేతబట్టి ర్యాలీలో పాల్గొన్నారు. ‘డ్రగ్స్‌ వద్దు – జీవితం ముద్దు’, ‘వేగం వద్దు – క్షేమం ముద్దు’, ‘మహిళలను గౌరవిద్దాం – భద్రతకు అండగా నిలుద్దాం’ అంటూ నినాదాలు చేశారు. మాదకద్రవ్యాల వల్ల కలిగే దుష్పరిణామాలు, అతివేగంతో జరిగే రోడ్డు ప్రమాదాలు, మహిళల భద్రత విషయంలో ప్రతి ఒక్కరూ పాటించాల్సిన బాధ్యతలను వివరించారు. మత్తు రహిత సమాజ నిర్మాణానికి ప్రజల భాగస్వామ్యం అత్యంత అవసరమని పోలీసు అధికారులు పేర్కొన్నారు. యువత మాదకద్రవ్యాలకు దూరంగా ఉండాలని, వాహనదారులు ట్రాఫిక్‌ నిబంధనలు పాటించాలని సూచించారు. మహిళలకు సురక్షితమైన వాతావరణం కల్పించేందుకు ప్రతి ఒక్కరూ బాధ్యతగా వ్యవహరించాలని కోరారు. ప్రజల సహకారంతోనే మత్తు రహిత సమాజం, ప్రమాద రహిత ప్రయాణం సాధ్యమవుతాయని వివరించారు. ఆపరేషన్‌ త్రిశూల్‌ వ్యూహం లక్ష్యాలను ప్రజల్లోకి తీసుకెళ్లేందుకు ఇటువంటి అవగాహన కార్యక్రమాలు దోహదపడతాయని పోలీసు అధికారులు పేర్కొన్నారు.