76వ డివిజన్‌లో పట్టాభి విస్తృత ప్రచారం!

విజయవాడ, అక్టోబర్ 23: విజయవాడ నగరపాలక సంస్థ ఎన్నికల నేపథ్యంలో సెంట్రల్ నియోజకవర్గంలోని 76వ డివిజన్‌లో కూటమి ఎన్నికల ప్రచారం కొనసాగింది. శుక్రవారం రాత్రి స్వచ్ఛ ఆంధ్ర కార్పొరేషన్ చైర్మన్ కొమ్మారెడ్డి పట్టాభిరామ్ డివిజన్‌లో ఇంటింటి ప్రచారం నిర్వహించారు. టీడీపీ, జనసేన, బీజేపీ కూటమి బలపరిచిన జనసేన మేయర్ అభ్యర్థి వంగవీటి రాధాకృష్ణ, 76వ డివిజన్ టీడీపీ కార్పొరేటర్ అభ్యర్థి గాదిరాజు శ్రీనివాసరావుకు మద్దతుగా ప్రచారంలో పాల్గొన్నారు. కార్పొరేటర్ అభ్యర్థి గాదిరాజు శ్రీనివాసరావుతో కలిసి వీధివీధినా పర్యటించిన పట్టాభిరామ్ స్థానిక ప్రజలను కలుసుకుని కూటమి అభ్యర్థులకు మద్దతు కోరారు. ప్రచార కరపత్రాలను పంపిణీ చేస్తూ మేయర్ అభ్యర్థి వంగవీటి రాధాకృష్ణకు గాజు గ్లాసు గుర్తుపై, కార్పొరేటర్ అభ్యర్థి శ్రీనివాసరావుకు సైకిల్ గుర్తుపై ఓటు వేయాలని విజ్ఞప్తి చేశారు. ప్రజలకు నిరంతరం అందుబాటులో ఉంటూ సమస్యల పరిష్కారానికి కృషి చేసే అభ్యర్థులను భారీ మెజార్టీతో గెలిపించాలని పట్టాభిరామ్ కోరారు. ఈ ప్రచార కార్యక్రమంలో నిర్మాణ కార్మికుల సలహా కమిటీ చైర్మన్ గొట్టుముక్కల రఘురామరాజు, టీడీపీ నాయకులు, కార్యకర్తలు పాల్గొన్నారు.