ప్రేమ పెళ్లికి పెద్దల నిరాకరణ.. విషాదంగా మారిన ప్రేమజంట కథ

రాజమహేంద్రవరం: ప్రేమ వివాహానికి పెద్దలు అంగీకరించలేదనే కారణంతో ఓ ప్రేమజంట ఆత్మహత్యాయత్నానికి పాల్పడిన ఘటన రాజమహేంద్రవరంలో కలకలం రేపింది. ఈ ఘటనలో యువతి వరద ప్రసన్న మృతి చెందగా, యువకుడు అభిలాష్ పరిస్థితి విషమంగా ఉన్నట్లు సమాచారం.

యువతి గొంతుపై బ్లేడ్ గాయం ఉన్నట్లు పోలీసులు గుర్తించారని సమాచారం. యువకుడు పురుగుల మందు తీసుకోవడంతో పాటు చేతిపై గాయాలు చేసుకున్నట్లు ప్రాథమికంగా అనుమానిస్తున్నారు. అయితే ఘటనకు సంబంధించిన పూర్తి కారణాలు దర్యాప్తులో తేలాల్సి ఉంది.

సమాచారం అందుకున్న రాజమహేంద్రవరం పోలీసులు కేసు నమోదు చేసి దర్యాప్తు చేపట్టారు. ఘటనకు ముందు ఏం జరిగింది, ఇద్దరూ కలిసి ఆత్మహత్యాయత్నానికి పాల్పడ్డారా, మరేదైనా కారణం ఉందా అనే కోణాల్లో పోలీసులు విచారణ జరుపుతున్నారు.