ప్రధాని మోదీని కుటుంబ సమేతంగా కలిసిన ఎంపీ కలిశెట్టి అప్పలనాయుడు

ఢిల్లీ: ఆంధ్రప్రదేశ్‌కు చెందిన ఎంపీ కలిశెట్టి అప్పలనాయుడు కుటుంబ సమేతంగా ప్రధానమంత్రి నరేంద్ర మోదీని మర్యాదపూర్వకంగా కలిశారు. ఈ సందర్భంగా ఎంపీ కలిశెట్టి అప్పలనాయుడు ప్రధానమంత్రికి సంప్రదాయ చేనేత వస్త్రాలు బహూకరించారు.

సమావేశంలో ప్రధాని మోదీ, అప్పలనాయుడు కుటుంబ సభ్యులను ఆత్మీయంగా పలకరించి వారి యోగక్షేమాలను అడిగి తెలుసుకున్నారు. అనంతరం ఇటీవల జరిగిన భోగాపురం అంతర్జాతీయ విమానాశ్రయ ప్రారంభోత్సవాన్ని గుర్తు చేసుకుంటూ ఆ కార్యక్రమ నిర్వహణపై సంతృప్తి వ్యక్తం చేశారు.

అలాగే కార్యక్రమాన్ని సమర్థవంతంగా నిర్వహించడంలో మంత్రి నారా లోకేష్ ప్రదర్శించిన నిర్వహణా నైపుణ్యాలు ప్రశంసనీయమని ప్రధాని మోదీ పేర్కొన్నట్లు సమాచారం. ఈ మర్యాదపూర్వక భేటీలో రాష్ట్ర అభివృద్ధికి సంబంధించిన పలు అంశాలపై కూడా స్వల్పంగా చర్చ జరిగినట్లు తెలుస్తోంది.