చీరాల–సూర్యలంక చూస్తే.. ఏపీలోనే మరో గోవా కనిపిస్తుంది: సీఎం చంద్రబాబు
రాష్ట్ర తీరప్రాంత పర్యాటక అభివృద్ధిపై సీఎం ఆశావాదం. చీరాల, సూర్యలంక బీచ్లను అంతర్జాతీయ స్థాయికి తీర్చిదిద్దుతామని హామీ. పర్యాటక రంగం ద్వారా ఉపాధి, పెట్టుబడులకు ఊతమిస్తామని సీఎం వ్యాఖ్య.
V10 TV
చీరాల, సూర్యలంక బీచ్లను చూస్తే ఆంధ్రప్రదేశ్లోనే మరో గోవా ఉందనే భావన కలుగుతుందని ముఖ్యమంత్రి నారా చంద్రబాబు నాయుడు అన్నారు. రాష్ట్ర తీరప్రాంతాల్లో అపారమైన పర్యాటక అవకాశాలు ఉన్నాయని, వాటిని సద్వినియోగం చేసేందుకు ప్రభుత్వం ప్రణాళికాబద్ధంగా ముందుకు సాగుతోందని పేర్కొన్నారు.
చీరాల, సూర్యలంక ప్రాంతాలను ప్రపంచ స్థాయి పర్యాటక కేంద్రాలుగా అభివృద్ధి చేసి, దేశ విదేశాల నుంచి పర్యాటకులను ఆకర్షించేలా మౌలిక సదుపాయాలు కల్పిస్తామని సీఎం తెలిపారు. పర్యాటక రంగం అభివృద్ధి ద్వారా స్థానిక యువతకు ఉపాధి అవకాశాలు పెరగడంతో పాటు రాష్ట్ర ఆర్థికాభివృద్ధికి కూడా దోహదం చేస్తుందని ఆయన అన్నారు.
