86వ డివిజన్‌లో కాకొల్లు ఝాన్సీ ఎన్నికల ప్రచారం

పాయకాపురం, అక్టోబర్ 29 : విజయవాడ నగరపాలక సంస్థ ఎన్నికల పోలింగ్ సమీపిస్తున్న నేపథ్యంలో 86వ డివిజన్‌లో ఎన్డీఏ కూటమి బలపరిచిన తెలుగుదేశం పార్టీ కార్పొరేటర్ అభ్యర్థి కాకొల్లు ఝాన్సీ ఎన్నికల ప్రచారాన్ని ముమ్మరం చేశారు. గురువారం కూటమి నాయకులు, కార్యకర్తలతో కలిసి డివిజన్‌లోని పలు ప్రాంతాల్లో ఇంటింటి ప్రచారం నిర్వహించారు. స్థానిక ప్రజలను కలుసుకుంటూ వారి సమస్యలను అడిగి తెలుసుకున్నారు. విజయవాడ సెంట్రల్ నియోజకవర్గ ఎమ్మెల్యే, ప్రభుత్వ విప్ బోండా ఉమామహేశ్వరరావు హయాంలో చేపట్టిన అభివృద్ధి కార్యక్రమాలు, కూటమి ప్రభుత్వం అమలు చేస్తున్న సంక్షేమ పథకాలను ప్రజలకు వివరించారు. డివిజన్‌లో మౌలిక సదుపాయాల మెరుగుదల, పారిశుద్ధ్యం, డ్రైనేజీ సమస్యల పరిష్కారానికి ప్రాధాన్యం ఇస్తామని పేర్కొన్నారు. ఈ సందర్భంగా కాకొల్లు ఝాన్సీ మాట్లాడుతూ కార్పొరేటర్ ఎన్నికల్లో సైకిల్ గుర్తుపై, మేయర్ అభ్యర్థి వంగవీటి రాధాకృష్ణకు గాజు గ్లాసు గుర్తుపై ఓటు వేయాలని ప్రజలను అభ్యర్థించారు. డివిజన్ అభివృద్ధికి కృషి చేస్తామని తెలిపారు. ఈ ప్రచార కార్యక్రమంలో 86వ డివిజన్ తెలుగుదేశం పార్టీ అధ్యక్షుడు కాకొల్లు రవికుమార్, వరలక్ష్మి, హర్షసాయి, కోమరి రాజేష్‌తో పాటు కూటమి నాయకులు, కార్యకర్తలు పాల్గొన్నారు.