సైనికుడి గౌరవం ఎక్కడ..? జగన్‌ను నిలదీసిన టీడీపీ

అమరావతి, సెప్టెంబరు 8: వైసీపీ అధినేత, మాజీ ముఖ్యమంత్రి వైఎస్ జగన్‌పై తెలుగుదేశం పార్టీ తీవ్ర విమర్శలు చేసింది. దేశ సైనికులంటే జగన్‌కు గౌరవం లేదా అంటూ ప్రశ్నించింది.

స్వాతంత్ర్య దినోత్సవం సందర్భంగా ఏర్పాటు చేసిన కార్యక్రమానికి సంబంధించిన వీడియోను ప్రస్తావిస్తూ టీడీపీ ఈ ఆరోపణలు చేసింది. టీచర్స్ డే సందర్భంగా మెగా డీఎస్సీలో ఉద్యోగం సాధించిన ఓ మాజీ సైనికుడి జీవిత నేపథ్యాన్ని తెలియజేసే క్రమంలో ప్రదర్శించిన పోస్టర్‌పై జగన్ కాలు పెట్టినట్లు కనిపిస్తోందని టీడీపీ పేర్కొంది.

దేశానికి సేవ చేసిన సైనికుడి చిత్రంపై ఇలా వ్యవహరించడం సరికాదంటూ టీడీపీ అభ్యంతరం వ్యక్తం చేసింది. ఇందుకు జగన్ క్షమాపణ చెప్పాలని డిమాండ్ చేస్తూ సంబంధిత వీడియోను సామాజిక మాధ్యమాల్లో పంచుకుంది.