హెల్మెట్ లేకుంటే జరిమానా తప్పదు!
రైల్వే స్టేషన్ వద్ద ముమ్మరంగా వాహన తనిఖీలు... ట్రాఫిక్ నిబంధనల ఉల్లంఘనపై పోలీసుల ప్రత్యేక దృష్టి... వాహనదారులకు అవగాహన కల్పించిన ట్రాఫిక్ సిబ్బంది...

విజయవాడ, నవంబర్ 15: విజయవాడ రైల్వే స్టేషన్ పార్సిల్ కార్యాలయం సమీపంలో ట్రాఫిక్ పోలీసులు వాహన తనిఖీలు ముమ్మరంగా నిర్వహించారు. నగర పోలీస్ కమిషనర్ ఎస్.వి. రాజశేఖర్ బాబు, ట్రాఫిక్ డీసీపీ షిరిన్ బేగం, సీఐ సుధాకర్ ఆదేశాల మేరకు మూడో ట్రాఫిక్ ఎస్ఐ కుమార్ ఆధ్వర్యంలో ప్రత్యేక తనిఖీలు చేపట్టారు. ఈ సందర్భంగా హెల్మెట్ ధరించకుండా ద్విచక్ర వాహనాలు నడుపుతున్న వారిని గుర్తించి జరిమానాలు విధించారు. వాహనాలకు సంబంధించిన ధ్రువపత్రాలను పరిశీలించారు. రోడ్డు ప్రమాదాల నివారణకు ప్రతి ద్విచక్ర వాహనదారుడు తప్పనిసరిగా హెల్మెట్ ధరించాలని సూచించారు. ట్రాఫిక్ నిబంధనలను ఉల్లంఘించకుండా బాధ్యతాయుతంగా వాహనాలు నడపాలని పోలీసులు అవగాహన కల్పించారు. రహదారి భద్రతకు వాహనదారుల సహకారం ఎంతో అవసరమని స్పష్టం చేశారు.
