వైసీపీకి షాక్.. టీడీపీలోకి అబూ!
250 మంది అనుచరులతో పసుపు కండువా కప్పుకున్న మహ్మద్ ఖాసిం... ఎమ్మెల్యే రాముపై గతంలో చేసిన వ్యాఖ్యలకు బహిరంగ క్షమాపణ... గుడివాడ అభివృద్ధిని చూసే పార్టీలో చేరుతున్నారన్న ఎమ్మెల్యే రాము...

గుడివాడ, నవంబర్ 15: కృష్ణాజిల్లాలో వైసీపీకి మరో ఎదురుదెబ్బ తగిలింది. ఆ పార్టీ మైనార్టీ సెల్ మాజీ జిల్లా అధ్యక్షుడు మహ్మద్ ఖాసిం (అబూ) తన అనుచరులతో కలిసి తెలుగుదేశం పార్టీలో చేరారు. ఆదివారం వైసీపీ ప్రాథమిక సభ్యత్వానికి రాజీనామా చేసిన ఆయన సాయంత్రం సుమారు 250 మంది అనుచరులు, మైనార్టీ నాయకులు, యువతతో కలిసి టీడీపీ తీర్థం పుచ్చుకున్నారు. ఎమ్మెల్యే వెనిగండ్ల రాము, మాజీ మంత్రి పిన్నమనేని వెంకటేశ్వరరావు వారికి పార్టీ కండువాలు కప్పి సాదరంగా ఆహ్వానించారు. అభివృద్ధిని చూసే చేరికలు: ఎమ్మెల్యే రాము గుడివాడలో కూటమి ప్రభుత్వం చేపడుతున్న అభివృద్ధి కార్యక్రమాలను చూసి ఇతర పార్టీల నాయకులు టీడీపీలో చేరుతున్నారని ఎమ్మెల్యే వెనిగండ్ల రాము పేర్కొన్నారు. మైనార్టీల చిరకాల కోరిక అయిన షాదీఖానా అభివృద్ధికి రూ.2 కోట్లు మంజూరు చేశామని తెలిపారు. అన్ని వర్గాల సంక్షేమానికి ప్రాధాన్యత ఇస్తున్నామని, గుడివాడ అభివృద్ధిలో భాగస్వాములు కావాలనుకునే ప్రతి ఒక్కరినీ స్వాగతిస్తామని స్పష్టం చేశారు. కొత్తగా పార్టీలో చేరిన నాయకులు పాత కార్యకర్తలతో సమన్వయంగా పనిచేయాలని సూచించారు. తప్పు తెలుసుకున్నా.. క్షమించండి: అబూ గత ఎన్నికలకు ముందు టీడీపీని వీడి అనాలోచిత నిర్ణయం తీసుకున్నానని మహ్మద్ ఖాసిం (అబూ) పేర్కొన్నారు. వైసీపీ వేదికపై ఎమ్మెల్యే వెనిగండ్ల రాముపై గతంలో చేసిన అనుచిత వ్యాఖ్యలకు బహిరంగంగా క్షమాపణలు కోరారు. ప్రజల్లో ఎమ్మెల్యే రాముకు ఉన్న ఆదరణను, గుడివాడలో జరుగుతున్న అభివృద్ధిని చూసి తిరిగి సొంత గూటికి చేరినట్లు వెల్లడించారు. జీవితాంతం టీడీపీలోనే కొనసాగుతానని, ఎమ్మెల్యే నాయకత్వంలో పార్టీ బలోపేతానికి కృషి చేస్తానని ప్రకటించారు. మైనార్టీ విభాగానికి మరింత బలం అబూ చేరికతో గుడివాడలో టీడీపీ మైనార్టీ విభాగం మరింత బలోపేతమవుతుందని పార్టీ నాయకులు అభిప్రాయపడ్డారు. ఈ కార్యక్రమంలో గుడివాడ టీడీపీ అధ్యక్షుడు పండ్రాజు సాంబయ్య, నాయకులు లింగం ప్రసాద్, పిన్నమనేని బాబ్జి, చేకూరు జగన్మోహన్రావు, షేక్ మౌలాలి, సయ్యద్ మున్వర్, మహమ్మద్ రఫీ, సయ్యద్ గఫర్, మల్లికా బేగం తదితరులు పాల్గొన్నారు. తప్పు తెలుసుకున్నా.. క్షమించండి: అబూ గత ఎన్నికలకు ముందు టీడీపీని వీడి అనాలోచిత నిర్ణయం తీసుకున్నానని మహ్మద్ ఖాసిం (అబూ) పేర్కొన్నారు. వైసీపీ వేదికపై ఎమ్మెల్యే వెనిగండ్ల రాముపై గతంలో చేసిన అనుచిత వ్యాఖ్యలకు బహిరంగంగా క్షమాపణలు కోరారు. ప్రజల్లో ఎమ్మెల్యే రాముకు ఉన్న ఆదరణను, గుడివాడలో జరుగుతున్న అభివృద్ధిని చూసి తిరిగి సొంత గూటికి చేరినట్లు వెల్లడించారు. జీవితాంతం టీడీపీలోనే కొనసాగుతానని, ఎమ్మెల్యే నాయకత్వంలో పార్టీ బలోపేతానికి కృషి చేస్తానని ప్రకటించారు. మైనార్టీ విభాగానికి మరింత బలం అబూ చేరికతో గుడివాడలో టీడీపీ మైనార్టీ విభాగం మరింత బలోపేతమవుతుందని పార్టీ నాయకులు అభిప్రాయపడ్డారు. ఈ కార్యక్రమంలో గుడివాడ టీడీపీ అధ్యక్షుడు పండ్రాజు సాంబయ్య, నాయకులు లింగం ప్రసాద్, పిన్నమనేని బాబ్జి, చేకూరు జగన్మోహన్రావు, షేక్ మౌలాలి, సయ్యద్ మున్వర్, మహమ్మద్ రఫీ, సయ్యద్ గఫర్, మల్లికా బేగం తదితరులు పాల్గొన్నారు.

