84, 85వ డివిజన్లలో వైఎస్సార్‌సీపీ ఎన్నికల ప్రచారం

పాయకాపురం, అక్టోబర్ 27 : విజయవాడ నగరపాలక సంస్థ ఎన్నికల నేపథ్యంలో సెంట్రల్ నియోజకవర్గ పరిధిలోని 84, 85వ డివిజన్లలో వైఎస్సార్ కాంగ్రెస్ పార్టీ నాయకులు మంగళవారం ఎన్నికల ప్రచారం నిర్వహించారు. ఈ ప్రచారంలో సెంట్రల్ నియోజకవర్గ పరిశీలకులు షేక్ గౌస్ మొహిద్దిన్ పాల్గొన్నారు. ఆయా డివిజన్ల వైసీపీ కార్పొరేటర్ అభ్యర్థులు వీర్ల వరలక్ష్మి, అంగిరేకుల గొల్లభామతో పాటు పార్టీ మేయర్ అభ్యర్థి రాయన భాగ్యలక్ష్మికి మద్దతుగా ప్రచారం చేపట్టారు. ఈ సందర్భంగా స్థానిక ఓటర్లను కలుసుకుని ఫ్యాను గుర్తుకు ఓటు వేయాలని షేక్ గౌస్ మొహిద్దిన్ అభ్యర్థించారు. పార్టీ అభ్యర్థులకు మద్దతు అందించాలని కోరారు. ఈ ప్రచార కార్యక్రమంలో వైఎస్సార్ కాంగ్రెస్ పార్టీ నాయకులు పసుపులేటి ఏసు, మన్నెం జగదీష్, రమణారెడ్డి, అంగిరేకుల నాగేశ్వరరావు తదితరులు పాల్గొన్నారు.