ఇంద్రకీలాద్రిపై భక్తుల రద్దీ.. దర్శనానికి గంటల నిరీక్షణ

విజయవాడ ఇంద్రకీలాద్రిపై భక్తుల రద్దీ కొనసాగుతోంది. ఆషాఢ మాసం శుక్రవారం సందర్భంగా అమ్మవారి దర్శనం కోసం రాష్ట్రంలోని వివిధ ప్రాంతాల నుంచి భక్తులు భారీ సంఖ్యలో తరలివచ్చారు. తెల్లవారుజాము నుంచే క్యూలైన్లు భక్తులతో నిండిపోగా, దర్శనానికి గంటల సమయం పడుతోంది. భక్తులకు తాగునీరు, క్యూలైన్ నిర్వహణ, భద్రత తదితర అంశాల్లో ఎలాంటి ఇబ్బందులు తలెత్తకుండా దేవస్థానం అధికారులు ప్రత్యేక ఏర్పాట్లు చేశారు.