ఆటోనగర్‌లో ఎన్నికల కోలాహలం

విజయవాడ: ఆటోనగర్‌లో ఎన్నికల సందడి నెలకొంది. గురువారం ఉదయం పోలింగ్ ప్రారంభం కావడంతో ఓటర్లు పెద్ద సంఖ్యలో పోలింగ్ కేంద్రాలకు తరలివచ్చారు. దీంతో ఆటోనగర్ పరిసరాల్లో ఎన్నికల కోలాహలం కనిపించింది.

మధ్యాహ్నం 12 గంటల వరకు సుమారు 50 శాతం పోలింగ్ నమోదైనట్లు అధికారులు వెల్లడించారు. ఓటర్లు తమ ఓటు హక్కును వినియోగించుకునేందుకు పోలింగ్ కేంద్రాల వద్ద బారులు తీరారు.

ఎన్నికల నేపథ్యంలో ఎలాంటి అవాంఛనీయ ఘటనలు చోటుచేసుకోకుండా పోలీసులు పటిష్ఠ బందోబస్తు ఏర్పాటు చేశారు. పోలింగ్ కేంద్రాలు, పరిసర ప్రాంతాల్లో నిఘా పెంచడంతో పాటు సుమారు 60 మంది పోలీస్ సిబ్బందిని ఎన్నికల విధుల్లో మోహరించారు.