రోడ్డు ప్రమాదంలో ఏఎస్ఐ దుర్మరణం!

కర్నూలు, అక్టోబర్ 30: రోడ్డు ప్రమాదంలో ఓ పోలీస్ అధికారి దుర్మరణం పాలైన ఘటన కర్నూలులో విషాదాన్ని నింపింది. కర్నూలు టూటౌన్ పోలీస్ స్టేషన్‌లో ఏఎస్ఐగా విధులు నిర్వహిస్తున్న సయ్యద్ మహ్మద్ గౌస్ గుర్తుతెలియని వాహనం ఢీకొనడంతో అక్కడికక్కడే ప్రాణాలు కోల్పోయారు. బైక్‌పై వెళ్తున్న మహ్మద్ గౌస్‌ను గుర్తుతెలియని వాహనం బలంగా ఢీకొట్టింది. ప్రమాద తీవ్రతకు ఆయన తీవ్రంగా గాయపడి ఘటనా స్థలంలోనే మృతి చెందారు. ఈ ఘటనతో టూటౌన్ పోలీస్ స్టేషన్‌లో విషాదఛాయలు అలుముకున్నాయి. తోటి సిబ్బంది, ఉన్నతాధికారులు ఆయన మృతిపై తీవ్ర దిగ్భ్రాంతి వ్యక్తం చేశారు. ప్రమాదానికి కారణమైన వాహనం ఆచూకీ కోసం పోలీసులు దర్యాప్తు చేపట్టారు. వాహనాన్ని గుర్తించడంతోపాటు ప్రమాదం జరిగిన తీరుపై ఆరా తీస్తున్నారు.