శరన్నవరాత్రి ఉత్సవాలను వైభవంగా నిర్వహించాలి

గుడివాడ, అక్టోబర్ 10: గుడివాడ ఆధ్యాత్మిక ప్రాధాన్యతను మరింత పెంపొందించేలా శ్రీదేవి శరన్నవరాత్రి మహోత్సవాలను వైభవంగా నిర్వహించాలని ఎమ్మెల్యే వెనిగండ్ల రాము సూచించారు. ఆదివారం నుంచి ఆలయాల్లో శరన్నవరాత్రి ఉత్సవాలు ప్రారంభం కానున్న నేపథ్యంలో శనివారం రాజేంద్రనగర్‌లోని తన స్వగృహంలో దేవాదాయ శాఖ అధికారులు, వివిధ ఆలయాల కమిటీల ప్రతినిధులతో సమావేశమయ్యారు. ఉత్సవాల నిర్వహణ, భక్తులకు కల్పించాల్సిన సౌకర్యాలు, ఆధ్యాత్మిక, సాంస్కృతిక కార్యక్రమాలపై చర్చించారు. ఈ సందర్భంగా ఎమ్మెల్యే మాట్లాడుతూ ఆలయాల వద్ద పారిశుధ్యం, తాగునీరు, క్యూలైన్లు, భక్తుల రాకపోకలకు అవసరమైన ఏర్పాట్లపై ప్రత్యేక దృష్టి సారించాలన్నారు. నవరాత్రి ఉత్సవాలుఆధ్యాత్మికతతో పాటు సంస్కృతి, సంప్రదాయాలను ప్రతిబింబించేలా నిర్వహించాలని సూచించారు.

ఆలయ కమిటీలు, దేవాదాయ శాఖ అధికారులు సమన్వయంతో పనిచేయాలని కోరారు. అనంతరం వివిధ ఆలయాల నవరాత్రి ఉత్సవాల బుక్లెట్లను ఆవిష్కరించారు. వేద పండితులు ఎమ్మెల్యేకు ఆశీర్వచనాలు అందించారు. శరన్నవరాత్రి మహోత్సవాల సందర్భంగా ప్రజలందరికీ ఎమ్మెల్యే శుభాకాంక్షలు తెలిపారు. అమ్మవారి ఆశీస్సులతో ప్రతి కుటుంబం ఆయురారోగ్యాలు, సుఖసంతోషాలతో వర్ధిల్లాలని ఆకాంక్షించారు. కార్యక్రమంలో జనసేన ఇన్‌చార్జి బూరగడ్డ శ్రీకాంత్, టీడీపీ పట్టణ అధ్యక్షుడు పండ్రాజు సాంబయ్య,ఆధ్యాత్మికతతో పాటు సంస్కృతి, సంప్రదాయాలను ప్రతిబింబించేలా నిర్వహించాలని సూచించారు. ఆలయ కమిటీలు, దేవాదాయ శాఖ అధికారులు సమన్వయంతో పనిచేయాలని కోరారు. అనంతరం వివిధ ఆలయాల నవరాత్రి ఉత్సవాల బుక్లెట్లను ఆవిష్కరించారు. వేద పండితులు ఎమ్మెల్యేకు ఆశీర్వచనాలు అందించారు.