చంద్రబాబును కలిసిన వైఎస్ షర్మిల!
కుమార్తె వివాహానికి రావాలని ఆహ్వానం... ముఖ్యమంత్రికి శుభలేఖ అందించిన ఏపీసీసీ చీఫ్... నూతన వధూవరులను ఆశీర్వదించాలని విజ్ఞప్తి...

హైదరాబాద్, నవంబర్ 15: ఆంధ్రప్రదేశ్ ముఖ్యమంత్రి నారా చంద్రబాబు నాయుడును ఏపీసీసీ అధ్యక్షురాలు వైఎస్ షర్మిలా రెడ్డి హైదరాబాద్లో మర్యాదపూర్వకంగా కలిశారు. తన కుమార్తె వైఎస్ అంజిలి రెడ్డి వివాహ వేడుకకు హాజరుకావాలని కోరుతూ ముఖ్యమంత్రికి ఆహ్వాన పత్రికను అందజేశారు. నవంబర్ 25న వైఎస్ అంజిలి రెడ్డి, డాక్టర్ సోమల రఘురామ్ రెడ్డిల వివాహం జరగనుండగా, డిసెంబర్ 5న రిసెప్షన్ నిర్వహించనున్నారు. ఈ వేడుకలకు విచ్చేసి నూతన వధూవరులను ఆశీర్వదించాలని షర్మిల కోరారు.

