ముస్తాబాద్‌లో పీడీఎస్ బియ్యం అక్రమ నిల్వలపై మెరుపుదాడి

గన్నవరం, సెప్టెంబరు 7: కృష్ణాజిల్లా గన్నవరం మండలం ముస్తాబాద్‌లో పీడీఎస్ బియ్యం అక్రమ నిల్వలపై పౌరసరఫరాల శాఖ అధికారులు మెరుపుదాడి నిర్వహించారు. పేదలకు పంపిణీ చేయాల్సిన బియ్యాన్ని అక్రమంగా నిల్వ చేసి తరలిస్తున్నారన్న సమాచారంతో అధికారులు తనిఖీలు చేపట్టారు.

గన్నవరం డీఎస్ఓ ఆధ్వర్యంలో నిర్వహించిన సోదాల్లో సుమారు 22 క్వింటాళ్ల పీడీఎస్ బియ్యం గుర్తించినట్లు అధికారులు తెలిపారు. అక్రమ నిల్వల వ్యవహారానికి సంబంధించి నిర్వాహకులపై కేసు నమోదు చేసినట్లు పేర్కొన్నారు.

పీడీఎస్ బియ్యాన్ని ఎక్కడి నుంచి సేకరించారు, ఎక్కడికి తరలించేందుకు సిద్ధం చేశారు, ఈ వ్యవహారం వెనుక మరెవరైనా ఉన్నారా అనే కోణాల్లో అధికారులు విచారణ కొనసాగిస్తున్నట్లు సమాచారం.