రామవరప్పాడులో జోరుగా కూటమి ప్రచారం!
పటేల్నగర్, హనుమాన్నగర్లో ఆనంద్ కుమార్ విస్తృత పర్యటన.. భారీ ర్యాలీగా తరలివచ్చిన కూటమి నాయకులు, కార్యకర్తలు.. కూటమితోనే గ్రామాభివృద్ధి సాధ్యమంటున్న సర్పంచ్ అభ్యర్థి..

విజయవాడ, నవంబర్ 16: రామవరప్పాడు గ్రామపంచాయతీ ఎన్నికల నేపథ్యంలో కూటమి బలపరిచిన సర్పంచ్ అభ్యర్థి ఆనంద్ కుమార్ ప్రచారాన్ని ముమ్మరం చేశారు. సోమవారం పటేల్నగర్, హనుమాన్నగర్ ప్రాంతాల్లో కూటమి నాయకులు, కార్యకర్తలతో కలిసి భారీ ర్యాలీ నిర్వహించారు. ఇంటింటికీ వెళ్లి ప్రజలను కలుస్తూ తమకు మద్దతు ఇవ్వాలని కోరారు. ఈ సందర్భంగా ఆనంద్ కుమార్ మాట్లాడుతూ కూటమి పాలనతోనే గ్రామాల సమగ్రాభివృద్ధి సాధ్యమని పేర్కొన్నారు. ప్రజలకు అవసరమైన మౌలిక సదుపాయాల కల్పనకు ప్రాధాన్యం ఇస్తామని తెలిపారు. గ్రామంలోని సమస్యలను గుర్తించి పరిష్కరించేందుకు కృషి చేస్తామని హామీ ఇచ్చారు. సుమారు 22 వేల ఓట్లతో గన్నవరం నియోజకవర్గంలో రామవరప్పాడు కీలక గ్రామపంచాయతీగా నిలుస్తోంది. కూటమి పార్టీల మధ్య కుదిరిన అవగాహన మేరకు జనసేనకు 9, బీజేపీకి 2, టీడీపీకి 9 వార్డులు కేటాయించినట్లు నాయకులు తెలిపారు. ఇప్పటికే రిటర్నింగ్ అధికారికి నామినేషన్ పత్రాలు సమర్పించిన ఆనంద్ కుమార్ ప్రచారంలో వేగం పెంచారు. కూటమి నాయకులు, కార్యకర్తలు పెద్ద సంఖ్యలో పాల్గొని అభ్యర్థికి మద్దతు ప్రకటించారు.
