దసరా వేళ ఆందోళనలకు దూరంగా ఉండాలి

ఈ సందర్భంగా డీసీపీ సరిత మాట్లాడుతూ దసరా ఉత్సవాలకు భారీ సంఖ్యలో తరలివచ్చే భక్తుల భద్రతకు అత్యంత ప్రాధాన్యం ఇస్తున్నట్లు తెలిపారు. ట్రాఫిక్‌ నియంత్రణకు ప్రత్యేక చర్యలు చేపడుతున్నామని, బూమ్‌ బ్యారియర్లు, ప్రవేశ నియంత్రణ వ్యవస్థలు, భక్తుల రద్దీని క్రమబద్ధీకరించేందుకు హోల్డింగ్‌ ఏరియాలు ఏర్పాటు చేస్తున్నామని వివరించారు. ఆధునిక సాంకేతిక పరిజ్ఞానాన్ని వినియోగిస్తూ పటిష్టమైన పోలీసు బందోబస్తు ఏర్పాటు చేస్తున్నట్లు పేర్కొన్నారు. ఉత్సవాల సమయంలో నిరసనలు, ర్యాలీలు నిర్వహించడం వల్ల ట్రాఫిక్‌కు అంతరాయం కలగడంతోపాటు భక్తులు ఇబ్బందులు ఎదుర్కొనే అవకాశం ఉందన్నారు. అందువల్ల అన్ని వర్గాలు బాధ్యతాయుతంగా వ్యవహరించాలని కోరారు. సమావేశంలో పాల్గొన్న వివిధ సంఘాల ప్రతినిధులు పలు సమస్యలు, సూచనలను డీసీపీ దృష్టికి తీసుకువచ్చారు. వాటిని పరిశీలించి త్వరితగతిన పరిష్కరించేందుకు చర్యలు తీసుకుంటామని ఆమె హామీ ఇచ్చారు. దసరా ఉత్సవాలు ప్రశాంతంగా, సురక్షితంగా జరిగేలా ప్రజలందరూ పోలీసు శాఖకు సహకరించాలని డీసీపీ సరిత విజ్ఞప్తి చేశారు.