ఎన్నికల ఫలితాలపై టీడీపీ నేతల సమీక్ష

గుడివాడ, నవంబర్ 7: జడ్పీటీసీ, ఎంపీటీసీ ఎన్నికల ఫలితాల నేపథ్యంలో గుడివాడ నియోజకవర్గ తెలుగుదేశం పార్టీ కార్యాలయంలో సమీక్ష సమావేశం నిర్వహించారు. స్థానిక ఎమ్మెల్యే వెనిగండ్ల రాముతో కలిసి టీడీపీ రాష్ట్ర అధికార ప్రతినిధి, గుడివాడ నియోజకవర్గ పరిశీలకులు, ఉమ్మడి కృష్ణా జిల్లా గ్రంథాలయ పరిషత్ చైర్మన్ ఎం.ఎస్. బేగ్ ఎన్నికల ఫలితాలను సమీక్షించారు. ఈ సందర్భంగా నియోజకవర్గ పరిధిలోని మండలాల వారీగా నమోదైన ఎన్నికల ఫలితాలు, క్షేత్రస్థాయి పరిస్థితులు, ఎన్నికల సమయంలో నాయకులు, కార్యకర్తలు నిర్వహించిన పాత్ర తదితర అంశాలపై విస్తృతంగా చర్చించారు. ఆయా ప్రాంతాల్లో ఎన్నికల సరళిని పరిశీలించడంతో పాటు స్థానిక నాయకుల నుంచి వివరాలు తెలుసుకున్నారు. ఈ సమీక్ష సమావేశంలో తెలుగుదేశం పార్టీ నాయకులు, స్థానిక ప్రజాప్రతినిధులు, పార్టీ శ్రేణులు పాల్గొన్నారు.