విజయవాడలో కౌంటింగ్ కేంద్రం వద్ద అభ్యర్థుల ఆందోళన!

విజయవాడ, నవంబర్ 7: విజయవాడలో ఎంపీటీసీ, జెడ్పీటీసీ ఎన్నికల ఫలితాల కోసం అభ్యర్థులు ఉత్కంఠగా ఎదురుచూస్తున్నారు. బందరు రోడ్డులోని మాంటిస్సోరి కళాశాల వద్ద ఏర్పాటు చేసిన ఓట్ల లెక్కింపు కేంద్రం పరిసరాల్లో పలువురు అభ్యర్థులు, వారి మద్దతుదారులు గుమిగూడారు. తమ అభ్యర్థుల గెలుపోటములపై స్పష్టత కోసం కౌంటింగ్ కేంద్రం వద్దకు చేరుకున్న మద్దతుదారులు ఫలితాల వివరాలను తెలుసుకునేందుకు ఆసక్తి చూపుతున్నారు. దీంతో కళాశాల పరిసరాల్లో సందడి నెలకొంది. మరోవైపు కౌంటింగ్ కేంద్రం వద్ద శాంతిభద్రతల పరిరక్షణకు పోలీసులు చర్యలు చేపట్టారు. అభ్యర్థులు, మద్దతుదారుల రాకపోకల నేపథ్యంలో ట్రాఫిక్‌కు ఇబ్బందులు తలెత్తకుండా ట్రాఫిక్ డీసీపీ షిరీన్ బేగం పర్యవేక్షణలో పోలీసులు చర్యలు తీసుకుంటున్నారు. ఎన్నికల ఫలితాల వెల్లడిపై అభ్యర్థులతో పాటు రాజకీయ పార్టీల నాయకులు, కార్యకర్తల్లో ఉత్కంఠ కొనసాగుతోంది.