కార్పొరేటర్ కాకొల్లు ఝాన్సీకి ఘన సత్కారం

పాయకాపురం, నవంబర్ 6 : విజయవాడ సెంట్రల్ నియోజకవర్గ పరిధిలోని 86వ డివిజన్ కార్పొరేటర్‌గా విజయం సాధించిన కాకొల్లు ఝాన్సీని టీడీపీ నాయకులు ఘనంగా సత్కరించారు. ఇటీవల జరిగిన స్థానిక సంస్థల ఎన్నికల్లో కూటమి బలపరిచిన అభ్యర్థిగా విజయం సాధించిన ఆమెకు డివిజన్ టీడీపీ నాయకులు పలగాని శివసాయి, ఎస్‌కే బాబు తదితరులు శాలువా కప్పి అభినందనలు తెలిపారు. ఈ సందర్భంగా డివిజన్‌లో మౌలిక వసతుల కల్పనకు ప్రాధాన్యం ఇవ్వాలని కోరారు. సెంట్రల్ ఎమ్మెల్యే బొండా ఉమామహేశ్వరరావు సారథ్యంలో, డివిజన్ టీడీపీ అధ్యక్షుడు కె. రవికుమార్ ఆధ్వర్యంలో అభివృద్ధికి తనవంతు కృషి చేస్తానని కార్పొరేటర్ ఝాన్సీ హామీ ఇచ్చారు. కార్యక్రమంలో టీడీపీ మహిళా నాయకురాలు కె. వరలక్ష్మి తదితరులు పాల్గొన్నారు.