తుఫాన్లతో రూ.1,919 కోట్ల నష్టం!

అమరావతి, నవంబర్ 6 : వరుస తుఫాన్ల కారణంగా ఆంధ్రప్రదేశ్ తీవ్రంగా నష్టపోయిందని, మురసు తుఫాన్ వల్ల ప్రాథమిక అంచనాల ప్రకారం రూ.1,919.59 కోట్ల నష్టం వాటిల్లిందని ముఖ్యమంత్రి నారా చంద్రబాబు నాయుడు పేర్కొన్నారు. తుఫాను బాధితులను ఆదుకునేందుకు తక్షణ మధ్యంతర ఆర్థిక సాయం అందించాలని కోరుతూ కేంద్ర హోంమంత్రి అమిత్ షాకు లేఖ రాశారు. వారం రోజుల వ్యవధిలోనే అర్నబ్, మురసు తుఫాన్లు రాష్ట్రాన్ని ప్రభావితం చేశాయని సీఎం వివరించారు. అక్టోబర్ 27న అర్నబ్ తుఫాను వల్ల జరిగిన నష్టం నుంచి కోలుకోకముందే మురసు తుఫాను విరుచుకుపడటంతో రైతులు, మత్స్యకారులు తీవ్రంగా నష్టపోయారని తెలిపారు. భారీ వర్షాలు, ఈదురుగాలులతో విద్యుత్ వ్యవస్థ, రహదారులు సహా మౌలిక సదుపాయాలు దెబ్బతిన్నాయని పేర్కొన్నారు. వ్యవసాయ రంగానికే రూ.874.96 కోట్ల నష్టం మురసు తుఫాను కారణంగా 1,43,122 హెక్టార్లలో వ్యవసాయ పంటలు దెబ్బతినగా, 1,86,063 మంది రైతులు ప్రభావితమయ్యారని సీఎం లేఖలో వివరించారు. వ్యవసాయ రంగానికి రూ.874.96 కోట్ల నష్టం వాటిల్లిందని తెలిపారు. అలాగే 6,504.38 హెక్టార్లలో ఉద్యాన పంటలు దెబ్బతినడంతో 12,178 మంది రైతులు నష్టపోయారని, ఈ రంగానికి రూ.337.10 కోట్ల నష్టం సంభవించిందని పేర్కొన్నారు. 15 రోజుల్లో సమగ్ర నివేదిక పశుసంవర్థక, ఆక్వా, గృహ నిర్మాణం, సాగునీరు, విద్యుత్, పంచాయతీరాజ్, విద్య, వైద్యారోగ్య శాఖల్లోనూ నష్టం వాటిల్లిందని సీఎం తెలిపారు. వరద నీరు తగ్గిన అనంతరం పూర్తిస్థాయి నష్టాల అంచనాలు రూపొందించి మరో 15 రోజుల్లో కేంద్రానికి సమగ్ర నివేదిక సమర్పిస్తామని వెల్లడించారు. బాధితులను ఆదుకునేందుకు కేంద్ర సాయం తుఫాన్ల కారణంగా నష్టపోయిన రైతులు, మత్స్యకారులు, ఇళ్లు దెబ్బతిన్న కుటుంబాలను ఆదుకోవడంతోపాటు అత్యవసర మౌలిక సదుపాయాలను పునరుద్ధరించేందుకు కేంద్రం వెంటనే మధ్యంతర ఆర్థిక సాయం మంజూరు చేయాలని చంద్రబాబు విజ్ఞప్తి చేశారు. కేంద్ర సహకారంతో బాధితులకు ఉపశమనం కల్పించి సాధారణ పరిస్థితులను పునరుద్ధరించేందుకు కేంద్రం వెంటనే మధ్యంతర ఆర్థిక సాయం మంజూరు చేయాలని చంద్రబాబు విజ్ఞప్తి చేశారు. కేంద్ర సహకారంతో బాధితులకు ఉపశమనం కల్పించి సాధారణ పరిస్థితులను పునరుద్ధరించేందుకు చర్యలు చేపడతామని పేర్కొన్నారు.